Alma skvísa updeitar

Kreppuljóð

2010-01-17T14:09:00.000-08:00

Ah ég bara varð þetta er eitthvað svo fyndið en jafnframt sorglegt
2007

Ég á minnsta húsið í götunni,
húsið sem stendur hjá Lödunni.
Þegar granninn rennir í pottinn hjá sér
kólna allir ofnarnir hjá mér.

Eftir að granninn gerði upp garðinn hjá sér
skín ekki sólin lengur í garðinn hjá mér.
Granninn fær ráðherrana í grillið til sín
og bræluna leggur svo yfir til mín.

Granninn á jeppa af flottustu sort,
en ég á bara ljóta Lödu Sport.
Ég fer í vinnuna með rútunni,
en hann með einkaþyrlunni.

2008

Konan hans eldist ekki hætings hót,
en mín er alltaf bæði feit og ljót.
Granninn er stæltur og með hárið ljóst,
En ég er bæði með ístru og lafandi brjóst.

Þegar granninn er með veislu hjá sér,
býður hann öllum, öllum - nema mér.
Elton John skemmti lýðnum í afmælinu,
en ég hafði bara efni á Breiðbandinu.

Óþolandi er oft, vel stæði granninn minn,
Það trúa því fáir, að hann sé sonur minn.

2009

Nú er hann kominn á heimilið mitt
og fluttur í gamla herbergið sitt.
Í kreppunni hann missti allt sitt fé.
Og nú á hann minni pening en ég.

Það kviknaði í báðum jeppunum,
og konan er farin frá honum.
Nú hangir hann heima rosa down,
og bölvar og ragnar Gordon Brown.

Höfundur ókunnur

Vettlingar!

2010-01-17T12:37:00.000-08:00

Hérna eru vettlingarnir sem ég gerði handa Stefáni og Hildi í jólagjöf. Ég gleymdi að taka myndir af 3 öðrum pörum sem ég gerði :(

Kindur já eða hrútar handa Stefáni
Blóm handa Hildi.

Annars vorum við að koma heim úr Grímsnesinu þar sem við áttum frábæra helgi með góðum vinum. Rauðvín, heitur pottur, spil og góður félagsskapur getur ekki klikkað.

Blómálfurinn minn lærði að sitja alveg sjálfur í dag og vá hvað ég er stolt af honum. Hann er náttúrlega bara bestur.

Hildur uppáhalds mágkona mín á afmæli í dag. Innilega til hamingju yndisleg!

Annáll 2009 er ennþá í vinnslu en kemur

XXX

Nýtt ár

2010-01-08T14:19:00.000-08:00

Gleðilegt ár elsku þið og takk fyrir það gamla.

Fyrir mér þýðir nýtt ár nýtt upphaf á einhverju skemmtilegu og endalok á einhverju öðru.

Hvað fylgir 2010 verður spennandi að sjá....

Síðasta ár var án efa mitt besta og afkastamesta til þessa.

Benedikt Þór kom í heiminn!

Ótrúlega fallegur drengur sem ég er svo heppin að eiga :)

Annáll síðasta árs verður póstaður inn fljótlega já eða þegar ég finn mér nægan tíma til þess að skrifa hann...

Jólin liðu með mikilli gleði, nammiáti og öllu sem þeim fylgir... já kannski fyrir utan mikinn svefn ....

Áramótaheitin að þessu sinni voru meiri hamingja og betri lífstíll.

Ég held að ég verði í engum vandræðum með það fyrra þar sem strákarnir mínir sjá alveg um þann hluta :) en það síðarnefnda á það til að leggjast í dvala með hækkandi sól hjá mér eins og svo mörgum öðrum en kannski verð ég sérlega dugleg þar sem ég nálgast þrítugsaldurinn skuggalega hratt núna....

Eins gott að halda sér í góðu formi því ekki fækkar gráu hárunum...

Gráhært svín hljómar frekar illa :)

Ætla mér aftur af stað með bloggið, þetta er orðin fín pása.

Fylgist með..

XXX

Sá síðasti slekkur í Leifstöð!

2009-11-10T07:50:00.001-08:00

Ég held svei mér þá að þetta endi svona! Án gríns. Ætli það sé einhver til í að taka á móti 370.000 blönkum Íslendingum???

Getum við kannski bara flutt öll til Vestmannaeyja og stofnað nýtt ríki?
Allavega er ég alveg komin með nóg og miklu meira en það af öllu þessu bulli.

Og afsakið að ég segi það þá er Steingrímur Joð óvinsælasti maður lansins um þessar mundir.

En hvað ég er nú fegin að hafa ekki kosið hann......

McDreamy fór að heiman í nokkra dag til Danaveldis og var ég því grasekkja á meðan. Mamma og var með okkur á meðan og áttum við mjög svo notalegan tíma saman.

ÉG og blómálfurinn minn fengum fullt af fínum pökkum frá útlandinu og brosum bara allann hringinn núna. Ekki samt yfir pökkunum heldur að vera búin að fá heimilisfaðirnn heim aftur:)

Það er sem betur fer eitthvað eftir til að brosa yfir og alveg nóg af því :)

ÉG vona að þið hafið það líka

Jólin nálgast hratt og hlakka ég mikið til þeirra. Fengum góðar fréttir varðandi þau sem gerir eftirvæntinguna ennþá meiri.

Ég er samt að spá hvort það sé einhver yfir höfuð að lesa þetta blogg?

Ef svo er þá endilega kvitta því annars held ég að ég hætti þessu bara í bili.

Er hvort eð er frekar ódugleg þessa dagana.

Knús á ykkur

XXX

svín eða ekki svín?

2009-11-02T12:52:00.000-08:00

Báðir strákarnir mínir eru veikir:(

Hundfúlt!

Þurftum þar að leiðandi að sleppa sundæfingu í dag......

Við mæðgin ein heima næstu helgi.....

....heimilisfaðirinn ætlar að hitta prinsessuna sína í Danaveldi.

Amma Solla verður hjá okkur á meðan....

....vonandi stoppar flensan stutt hjá okkur, henni var ekki boðið og er mjög svo óvelkomin.

Erfitt að sjá litla blómálfinn hálfómögulegan með hor í nös...:(

52 dagar í jólin!

XXX

730 dagar!

2009-10-27T07:12:00.000-07:00

Jebb í dag eru 2 ár eða 730 dagar síðan ég hitti McDreamy á Sólon.

Vá hvað þetta er búið að vera fljótt að líða!

Það var ekki aftur snúið eftir það þótt þetta hafi nú ekki verið í fyrsta skiptið sem ég sá hann heldur fyrsti planaði hittingurinn hjá okkur.

Það voru sko alveg ljón á veginum hjá okkur en það hafði ekkert að segja.

Þetta var bara einfaldlega meant to be......:)

Mjög svo góðir 730 dagar

more to come...

XXX

facebookið

2009-10-26T06:09:00.000-07:00

Vitið þið að það er hægt að ráða því hverjir finna þig í leitinni á facebook?

Hversu fyndið og kjánalegt er það þegar viðkomandi getur hvort eð er ekki séð neitt um þig?

XXX

Draumlandið og sundæfingar...

2009-10-25T04:29:00.000-07:00

Í gær fórum við með soninn á sína fyrstu sundæfingu:) Hann var ótrúlega duglegur en honum stökk þó ekki bros á vör. Það var alveg greinilegt að honum þótti þetta notalegt en var samt smá undrandi á þessu öllu saman. Við vorum mikið stollt af honum og ég er viss um að hann verður sundmaður mikill :)

Hérna erum við mæginin í góðum gír

Annars að allt öðru. Ég er mikill lestrarhestur og á megöngunni vissi ég nákvæmlega hvað var að gerast og fylgdist vel með öllum stigum meðgöngunnar. Ég las allar bækur á bókasafninu sem snéru að henni (eflaust allt of mikið).

Núna er ég bara að lesa öðruvísi bækur og eru núna 3 á náttborðinu. Það er Karitas án titils, sem lofar mjög góðu, Árin sem enginn man sem er leiðinlega fræðileg en samt áhugaverð og síðast en ekki síst Draumaland sem mig langar aðeins að segja frá...

Fyrir þá sem ekki vita þá fjallar Draumaland um svefn og svefnvenjur barna frá 0 til 2 ár aldurs. Hún er ótrúlega fræðandi og skyldueign allra foreldra að mínu mati. Núna erum við að vinna í því að stilla sveftíma blómálfisns aðeins betur þar sem hann fer svo seint að sofa á kvöldin og vill helst láta halda á sér...:)

Í bókinni er margir áhugaverðir punktar og svör við lausnum á hinu ýmsu vandamálum sem geta komið upp. T.d er farið yfir hvenær sé heppilegur tími fyrir börn að fara í sér herbergi, hvernig á að kenna börnum að sofna sjálfum, hverjar ástæðurnar geta verið þegar börn fara að vakna í tíma og ótíma á nóttunni og fl og fl og fl.

Það sem mér þótti mjög merkilegt og ég er viss um að ekki allir geri sér grein fyrir var kafli sem rætt var um hvenær börn eiga alls ekki að sofa uppí hjá foreldrum sínum og var það...

annað eða báðir foreldrar hafa drukki áfengi eða neytt annarra sljóvgandi lyfja
annað eða báðir foreldrar eru veikir
annað eða báðir foreldrar reykja, talið er að efni úr tóbaki geti borist með húð og hári þess sem reykir og geti þannig haft slæm áhrif á barnið.

Ég er rosalega ánægð að vera hætt þessum ósið!

Húrra fyri mér :)

Annars þarf ég að drífa mig til þess að gera góðverk dagsins

XXX

Quality time....

2009-10-13T07:36:00.000-07:00

Já þetta er aldeilis ljúft líf sem ég lifi. Í fyrsta lagi er núna seinna í mánuðinum 2 ár síðan ég kynntist mínum McDreamy og eins og allir vita þá leiddi sá hittingur til svo mikils meira..... og síðar til lítils snáða sem er sólargeislinn í lífi okkar! Ég skil núna þegar fólk er að tala um að það viti ekki hvað það var að gera áður en börnin þeirra fæddust, ég veit ekki hvað ég var að gera áður en ég átti litla geimsteininn minn og ekki heldur áður en ég hitti McDreamy og er ég þá að meina hvað lífið er orðið mikið innihaldsríkara núna en það var áður.

Ég var vakin kl 6 í morgun af svöngum blómálfi en þegar hann var búin að drekka þá mundi hann hvað lífið er skemmtilegt og ákvað að hlæja af því í svolitla stund og brosti allan hringinn. Hann bræðir mitt hjarta með einu litlu brosi þanni að ég fór glöð á lappir með honum. Við lögðum okkur svo bara aftur kl 07:30....þetta kalla ég nú ljúft líf!

Þetta er yndislegur tími að vera í fæðingarorlofi og nýt ég hverrar mínútu....

....stundum sakna ég þess samt smá að hitta ekki fleira fólk en það er algjörlega í mínum höndum þar sem ég er eitthvað svo treg að fara út og trufla rútínuna okkar sem er að komast í ágætis skorður núna. Fæ nú reyndar líka alveg góðar heimsóknir inn á milli.

Svínaflensan.........

Hvaða rugl er í gangi með hana? Það er víst fólk að veikjast mjög alvarlega núna.....mér finnst þetta rosa skerí...og þá sérstaklega blómálfsins vegna.

Langar aftir í 2007 ruglið nenni ekki þessu mikið lengur!

.....flytja úr landi kemur sterklega til greina hvað mig varðar....

Sakna.....

Ég sakna þess ótrúlega mikið núna að vera í skóla, furðulegt þar sem fyrir svo mjög stuttu síðan var ég með algjöra ælu og gat ekki hugsað mér að fara aftur í bráð...

Held að ég sakni samt skólafélaganna mest!

Spurning um að skoða hvað er í boði varðandi það.

Jólin....

Mér reiknast svo að það séu 73 dagar til jóla! Og það er ótrúlega fljótt að líða.

Alveg kominn tími til að undirbúa sig og fara að kaupa jólagjafir.

Jólin verða að þessu sinni haldin í Kópavogi og ætlum við að búa til okkar jólasiði.....

Skemmtilegt en jafnframt svoldið blendnar tilfinningar með það.

Kiss kiss

XXX

Bleika slaufan

2009-10-07T04:52:00.001-07:00

ÉG fór í gær og keypti bleiku slaufuna til þess að styrkja gott málefni en ekki skemmir fyrir að hún er rosalega flott í ár, mun flottari en hún var í fyrra og fer vel á úlpunni minni.

Ert þú búin að kaupa ?

Greys anatomy er að byrja aftur og ég er alveg að deyja úr spenningi. Ég lifi mig svo agalega inní þessa þætti og svo er það náttúrlega Dr McDreamy sem er mjög HEITUR:) En ekki eins og minn McDreamy......

Átak í gangi, ekkert nammi á virkum dögum, hrökkbrauð, tómatar og kotasæla á daginn og það er alveg mega erfitt og leiðinlegt átak haha en...........það gengur bara fjandi vel.

Vigtin er að detta í sömu tölu og fyrir óléttu og þannig að núna er stefna tekin á fyrir Hvanneyri eða 2005!

Hörku æfingar eru ekki komnar inní prógrammið en það stendur allt til bóta.

Fjölskyldustund verður hjá okkur á laugardögum þar sem við ætlum með pjakkinn okkar í ungbarnasund og er mikil tilhlökkun í gangi með það.

Fína lopapeysan er alveg að klárast, hlakka til að monta mig af henni:/

XXX

HOME SWEET HOME

2009-09-30T06:11:00.000-07:00

Ég og litli blómálfurinn minn komum heim í gær eftir aldeilis fínt frí í Mývantssveit. Sveitin skartar sínu fegursta núna í haustlitunum, reyndar finnst mér þetta alltaf vera fallegasti staðurinn hvort sem það er sumar, vetur vor eða haust.

Alma smalastelpa..

Það er eitthvað svo mikil orka í gangi þarna og ég finn hvað batteríin hlaðast með hverjum deginum í kyrrðinni og fegurðinni. Ég vildi óska að það væri örlítið styttra að fara þangað þannig að ég gæti farið oftar. Reyndar fórum við bara með flugi í gær sem er nú ansi ljúft þar sem ferðin tekur bara 45 mín frá Akureyri town til Reykjavík city í staðin fyrir 4-5 tíma..... síðan er nú síðasti klukkutíminn alltaf svo fljótur að líða......

Það var alveg merkilegt í gær að ég var búin að kvíða svo fyrir að fara með stubbinn minn í flug þar sem mér er ekkert sérstaklega vel við að fljúga innanlands þar sem það er oft svo mikil ókyrrð í loftinu. Það var líka alveg þannig í gær sérstaklega í flugtakinu en ég var svo upptekin af því að hugsa um strumpinn minn og passa að honum liði nú vel að ég hafði engan tíma til þess að hugsa um það hvort ég væri eitthvað hrædd eða ekki......alveg magnað!

Það var mjög ljúft að koma heim því ég var farin að sakna betri helmingsins míns mikið enda var ég orðin svo spennt eftir að sjá hann að hjartað hamaðist ......haha alveg eins og við værum ný byrjuð saman.....

Þeim feðgum þótti líka mjög gott að hittast og knúsuðust mikið í gærkveldi.

Að allt öðru..........

Orðatiltækið "nú eru góð ráð dýr" er mér eitthvað ofarlega í huga þar sem allir eða allavega margir sem verða á vegi mínum þessa dagana finna hjá sér óstjórnlega þörf til þess að koma með góð ráð bæði varðandi brjóstagjöfina og eða umönnun ungabarna. Þetta er allt gott og blessað nema það að þessi segir eitthvað, næsti segir annað og hinn alveg akkurat mótsögn við það sem hinir voru búnir að segja ;/ þið skiljið hvað ég meina? Þannig að það sem maður græðir er bara að verða ennþá ráðvilltari í kollinum.

Þetta var líka svona þegar ég var ólétt og ég er orðin alveg rosa þreytt á þessu og ætla að passa mig sjálf þegar vinkonur mínar fara að eiga börn að vera ekki alltaf að segja þú skalt gera þetta svona en ekki hinsegin því það virkaði fyrir mig en........... málið er að það virkar kannski ekki fyrir næsta mann!!! vó þetta er altof flókið hjá mér....

Ég var að lesa bók heima hjá mömmu sem var gefin út árið 1982 um umönnun ungbarna og vá hvað það hefur margt breyst síðan þá. Þar er mikið lagt uppúr sykurvatni fyrir börnin og í dag er ekki einu sinni mælst til þess að gefa þeim venjulegt vatn fyrr en nokkra mánaða....

þar var einnig verið að segja hvernig ætti að blanda mjólk handa þeim börnum sem gætu ekki verið á brjósti og það var einhver x hluti sykurvatn og svo x hluti nýmjólk!! ótrúlegt þar sem börn meiga alls ekki fá kúamjólk fyrr en seint og síðarmeir. En eitt sem er gott að hafa í huga er að okkur varð nú ekkert sérstaklega meint af.... eða hvað??

Gaman að sjá hvað hlutirnir breytast mikið og það þarf nú ekki meira til en bara að það séu nokkur ár á milli barnanna hjá fólki til þess að ráðleggingarnar séu orðnar allt aðrar og má þá t.d nefna svefnstellingar. Fyrir mjög stuttu síðan áttu öll börna að sofa á hliðinni en alls ekki á bakinu en núna eiga öll börn að sofa á bakinu...........

Jæja ekki meira röfl í bili

XXX

Aftur hingað...

2009-09-13T05:49:00.000-07:00

Já ég hef ákveðið að færa mig aftur hingað. Það voru hvort sem er svo margir farnir að kíkja hinumegin og fáir sem kvitta þannig að ég hafði ekki hugmynd um hverjir voru að fylgjast með. Fólk blaðrar þessum lykilorðum villt og galið :) Er greinilega ekki alveg að fatta ástæðuna fyrir að bloggið er læst en well ekki meira um það........

Margt búið að gerast hjá okkur og höfum við það aldeilis fínt. Strumpur litli fékk nafn um síðustu helgi og heitir hann Benedikt Þór. Hann er skírður í höfuðið á báðum öfum sínum og pabba sínum.. ekki amarlegt það!

Ég nýt þess að vera heima í fæðingarorlofi, þvæ þvott, laga til, fer í göngutúra, horfi á sjónvarp, hangi allt of mikið í tölvunni, baka, þvæ meiri þvott, en fyrst og fremst hugsa ég um strumpinn minn og knúsa hann eins mikið og ég get....:=)

Hérna er hann....klárlega sætastur!

Innipúkinn hefur tekið öll völd hjá mér og er íbúðin okkar mín veröld þessa dagana. Ég nota þó tækifærið þegar MC dreamy er heima og fer í búðina eða eitthvað bara til að fara aðeins út.

Leiðarljós, Bolding og Grannar taka sinn tíma......

Er að prjóna mér lopapeysu sem á eftir að koma sér vel þegar Vetur konungur mætir á svæðið, ekki verður biðin efir honum mjög löng, því miður.

Reyni að vera dugleg uppdeita hérna inni fyrir ykkur sem ennþá nennið að fylgjast með.

Knús

XXX

Aftur þetta blogg?

2009-03-31T02:27:00.000-07:00

Ég er mikið að velta fyrir mér hvort ég eigi ekki að færa mig bara aftur yfir á þetta blogg. Þetta bloggsvæði er svo mikið skemmtilegra í alla staða fyrir utan læsinguna. Ef ég læsi þessu þá verð ég að bjóða öllum þeim sem eiga að fá að lesa og ég nenni því ekki þannig að spurning um að hafa bara bloggið opið........

Eins og áður hefur komið fram þá er ég ekki alveg til í að hver sem er lesi en við nánari athugun þá kannski skiptir það ekki neinu máli.

Þetta eru nú ekki margar manneskjur ..........

Kjánalegt að láta eina mannesku hafa áhrif á hvar ég er að blogga......

Ætla að hugsa málið aðeins betur....

XXX

NÝTT BLOGG

2009-01-27T03:49:00.000-08:00

JÆJA búin að færa mig yfir á almabene.bloggar.is Endilega sendið mér póst á almadrofn@gmail.com eða fáið aðgangsorðið hjá mér á msn eða facebook.

Annar smá vísbending Ég, Ólöf og Elísa erum allar með þannig........ (eingungis þeir þekkja mig vel skilja þetta).

Sjáumst þar

XXX

Bóndagur & Lítill Ljónsungi

2009-01-26T06:29:00.000-08:00

Takk fyrir allar kveðjurnar yndislega fólk!

Bóndagurinn var góður dagur, var reyndar heima smá lasin ekkert til að tala um samt. Gaf elskunni minn pakka í rúmið þegar við vökunuðum, sendi honum svo kort og við Signý fórum svo og keyptum handa honum blóm sem honum finnst reyndar ekki lykta vel! Hehe þetta voru hvítar RisaLiljur, sem eru í miklu uppáhaldi hjá mér en jú það er dáldið sterk lykt af þeim. Eldaði svo góðan mat þannig að þetta var allt voða notalegt!

Annars var ég að lesa um stjörnumerkin og litla krílið okkar verður að öllum líkindum Ljón.

Það lítur út fyrir að það verði stuð hjá okkur miðað við lýsingarnar

Ljónið
23. júlí - 22. ágúst

Konungurinn í frumskóginum er mættur og vill einmitt vera meðhöndlaður í samræmi við tign sína. Litla ljónið þarfnast athygli (við erum að tala um að vera alltaf miðdepill athyglinnar!) og vill láta taka eftir sér og láta dást að sér. Það getur verið mikil vinna að eiga börn í ljónsmerkinu. Börnin eru oft hávaðasöm og mjög opin í tjáningu. Ef barnið er ánægt er það yndislegasta og fallegasta barn í heimi en ef það er óánægt öskrar það og lætur öllum illum látum. Heimilislífið kemur til með að snúast mikið í kringum kraftmikinn ljónsungann sem getur verið mjög stjórnsamur og frekur. Það þýðir ekki að segja ljóninu að læðast meðfram veggjum því slíkt er andstætt eðli þess og er ekki til annars en að brjóta það niður. Vingjarnleg ákveðni er það sem dugar best. Ljónið er merki stjórnunar og foreldrar þurfa að virða þörf þess fyrir persónulegt sjálfstæði og því er gott að fela því snemma ábyrgð. Mikilvægt er að kenna því að taka tillit til annarra. Það þarf að taka tillit til þess í uppeldi að ljónið er einstakt og veita því athygli, hvatningu og ekki síst að hrósa því þegar það hefur gert eitthvað jákvætt.

Er að undirbúa síðuna nýju.... almabene.bloggar.is

Læt ykkur vita þegar ég hef sett inn fyrstu færslu og þá hætti ég með þetta blogg.

XXX

Lítill bumbubúi!

2009-01-21T12:48:00.000-08:00

Ég sagði frá því að ég hefði farið í myndatöku á mánudaginn og hérna er ein af myndunum:)

Litla krílið er væntanlegt í heiminn næsta sumar eða um mánaðarmótin júlí-ágúst.

Mér sýnist það vera alveg eins og ég heeh eða hvað finnst ykkur?
XXX

Rómantík í myrkrinu

2009-01-20T02:38:00.000-08:00

jæja ég held að ég hafi ekki unnið í lottóinu að þessu sinni en vinningsmiðinn var samt keyptur í Firðinum þar sem ég keypti minn......

En það verður seinna alveg er ég viss um það :)

Ég átti yndislega helgi á Hellum hjá ömmu og afa um síðustu helgi. Það er hvergi betra að vera og hlaða rafhlöðurnar. Þar var mikið borðað eins og vanalega og lítið annað gert nema spjalla við heimilisfólkið. Las reyndar eina bók sem heitir "Eins manns kona" og er endurminningar Tove Engilberts og er hin skemmtilegasta bók, mæli alveg með henni. Svo er náttúlega alltaf 30 stiga hiti þarna inni þannig að maður er hálf meðvitundalaus á milli máltíða:)

Prinsessan hans Gumma kemur til okkar um helgina þannig að það er mikið tilhlökkunarefni, alltaf jafn gaman að hafa hana hún er svo yndisleg eins og pabbi sinn :)

Hildur mágkona mín átti afmæli á laugardaginn þannig að ég óska henni innilega til hamingju mað daginn! Missti því miður af veislunni kem bara og heimta köku í vikunni í skiptum fyrir pakka....

Bóndadagurinn er á föstudag og Þorrablót í sveitinni minni fögru sem ég missi af. Þetta er í annað skiptið síðan ég var 16 ára sem ég missi af þessum ótrúlega skemmtilega viðburði, í fyrra skiptið bjó ég í Englandi en í þetta skiptið höfum við bara ákveðið að fara ekki. Þetta á eftir að reynast mér mjög erfitt eins gott að Gummi sé búin að æfa eitthvað skemmtiatriði/leikrit til að bæta mér þetta upp:)

Annars langar mig svo að gera eitthvað skemmtileg í tilefni bóndagdagsin hann á það svo skilið, ég bara veit ekki hvað, einhverjar hugmyndir????

Ég fór í myndatöku í gær rosa flotta ég skal henda inn einhverjum myndum fyrir ykkur fljótlega..

Mér finnst vera svo rómantískur tími núna í vændum Bóndadagur, Konudagurinn og Valentínusardagurinn allir á einum mánuði.

Um að gera að gleðja hvort annað í myrkrinu...

XXX

$$$$$$$$$$$$$$$$

2009-01-15T05:32:00.000-08:00

Mig dreymdi fyrir peningum í nótt! jamm dreymdi mannaskít eins geðslegt og það er sem er eins og allir vita fyrir peningum. Á draumur.is segir: Mannasaur er ævinlega fyrir peningum, því meiri saur, því meiri peningar. Vúhú

Þannig að nú er spurning hvort ég eigi að fara og kaupa fullt af happaþrennum, lottómiða og víkingalottó eða bara ekki neitt.....

Hvað segið þið um það?

En það er alveg spurning hvort ég sé nokkuð berdreyminn....

Mig dreymdi reyndar draum um daginn sem rættist, segi kannski frá honum síðar......

en nú reynir á það hvort ég sé draumspök manneskja :)

Ekkert annað að gera nema bara bíða eftir peningunum haha

XXX

lífið í dag

2009-01-12T07:27:00.000-08:00

Jæja enn ein helgin að baki. Fórum í jóga hjónaleysin á Laugardagsmorgun og höfðum gaman af. Stóðum okkur bæði eins og hetjur. Held reyndar að Gummi ætli að láta þennan tíma duga í bili þar sem hann ætlar að skella sér í mánaðar CrossFit námsekið frá og með deginum í dag. Ég segi bara verði honum að góðu.......

Kannski verður hann farinn að spegla sig með Gilz og félögum fyrir páska........hver veit.

Ég ætla allavegna að fara aftur í jóga í kvöld þrátt fyrir mega strengi frá síðasta tíma.

Annars fékk ég leiðinlegar fréttir áðan. Sverrir Heiðar kennari í LBHI (Hvanneyri) lést í nótt. Hann greindist með krabbamein í blöðruhálskirtli sumarið 2007. Hann var þá ný orðinn fertugur og lætur eftir sig konu og börn. Margir eiga um mjög sárt að binda núna.

Þetta er ótrúlega ósanngjarnt.......

Ég er mikið búin að vera að velta fyrir mér hamingju,

ég las það áðan einhverstaðar að hamingjan kemur ekki með fjár.

Við vitum öll að það er vissulega rétt en ég er t,.d hamingjusöm og ég er alveg viss um að ég hefði orðið pínulítið hamingjusamari ef ég hefði unnið í lottó um helgina:)

Bara pínulítið.....

En ég vinn nú ekki einu sinni fanta flösku í Bingó þannig að væntingarnar voru ekki miklar.

Ég er samt alltaf að vinna......

XXX

ANDLAUS

2009-01-09T05:59:00.000-08:00

........þessa dagana eitthvað.

Fyrsta vinnuvikan á nýju ári senn á enda. Mikið verður gott að fara í helgarfrí, maður er alveg uppgefin eftir vikuna. Það ætti að vera bannað að skella á mann heilli vinnuviku eftir svona langt frí. Væri gott að vinna bara fyrst 2 daga svo 3 og svo framvegis.............

Ég get nú ekki sagt að við séum uppbókuð um helgina, ekkert sérstakt á dagskrá nema taka niður jólin og kveðja þau ooooo ekki gaman.

Framundan er mikið mirkur í margar vikur ekki það að ég sé eitthvað svartsýn langt því frá þetta er bara staðreynd. Það eina sem er gott við þessa mánuði tvo eða janúar og febrúar er hækkandi sól og þar að leiðandi styttist alltaf í sumarið. Ég er algjört sumarbarn eins og þeir vita sem mig þekkja. Ég elska sólina, birtuna og allt sem því fylgir. Fyrir mér mætti alltaf vera bjart og bara snjór í fjöllunum, veit að sumir eru alls ekki sammála mér sem byrjar á G haha

Þar sem það er skylda að taka alltaf upp eitthvað heilsusamlegt athæfi á nýju ári þá ætla ég að skella mér í jóga á morgun og draga kallin með. Hann er svo móttækilegur þessi elska og sagði bara strax já þegar ég spurði hann hvort hann kæmi ekki með. Það verður sjálfsagt smá fyndið en ég er örugglega ekkert sérstaklega góð lengur hef ekki farið í nokkur ár.

Á nýju ári ætla ég að vera dugleg í jóga, synda meira og jafnframt að mæta í Sporthúsið. Ég hef verið að ýta því á undan mér þar sem allir þeir sem æfa ekki hina 11 mánuði ársins eru þar í janúar og ég einhvernvegin sé það ekki í hyllingum.

Ég ætla einnig að halda áfram að eiga yndislegt líf árið 2009

og halda áfram að vera svona hrikalega heppin eins og ég tel mig vera ;)

Ég skrifa eitthvað þegar ég hef frá einhverju að segja, kannski lendi ég í mega partýi um helgina.......

..........aldrei að vita.

XXX

2009

2009-01-01T13:05:00.000-08:00

Gleðilegt nýtt ár elsku sykursnúðarnir mínir! Takk fyrir allt gamalt og gott.

Árið 2008 var mjög viðburðarríkt í mínu lífi og alveg frábært í alla staði, ég get ekki beðið eftir að upplifa 2009!

Það verður örugglega ennþá betra, alveg er ég viss um það........

Þessi áramótin voru í rólegri kanntinum hjá okkur, enda var lítil prinsessa hjá okkur

Þrátt fyrir rólegheitin skemmtum við okkur konunglega í góðum félagsskap.

Í partýinu var hattaþema og farið í ABBA singstar, sem ég sló ekki í gegn í :)

Það var borðuð humarsúpa og kalkúnn og svo allt hitt nammið á eftir.

Ég hef aldrei farið í gamlárspartý með lægri meðalaldri og vorum við sofnuð um 2....

Við hjónaleysin á miðnætti...

Ég er búin að vera hrikalega léleg að blogga enda held ég að ég sé alveg ákveðin í að færa mig yfir á bloggar.is og hafa síðuna læsta......

En allavegna búin að hafa það rosalega gott yfir jólin og verður átak að fara að vinna aftur, byrja aftur í ræktinni (ekki veitir af), hætta að borða nammi, hætta að drekka jólaöl, vakna snemma, fara snemma að sofa, taka niður jólskrautið...... og allt sem því fylgir.
Annars langar mig að óska Rósu og Ingólfi til hamingju með að vera orðin hjón,

Umskurum fyrir frábært kvöld þann 27. des,

og ykkur vinir mínir fyrir að vera til!

Nýárskveðjur

Alma XXX

Gleðileg Jól

2008-12-25T04:14:00.000-08:00

Ég óska ykkur öllu gleðilegra Jóla kæru vinir!

XXX

Það er algjör vitleysa að reykja......

2008-12-17T02:23:00.000-08:00

....brennir peninga með því að kveikja, sígarettunni í ójá brennir heilsunni heheeheh

(Syng þetta stundum fyrir Elísu því þá er ég mega pirrandi :)

Já í dag eru 130 dagar síðan ég hætti mesta ósið sem ég hef tekið upp!

Það gera rúmlega 4 mánuði!

Og ég hef sparað mér hátt í 70.000.- kr váá!!!

...Og bara fyrir ykkur sem eruð að hugsa um þetta þá er þetta minna mál en þið haldið og svo mikið þess virði!

Go for it!!

XXX

ALLT UPPÁVIÐ ......EÐA HVAÐ?

2008-12-16T07:32:00.000-08:00

Jú ég held það. Allir eru að verða hressari. Gummi er farin að vinna aftur eftir lugnabólguna endalausu sem engan endi ætlaði að taka. Móðir mín yndisleg er reyndar enn á sjúkrahúsinu. Var að vonast til að hún fengi að fara heim í dag en það er víst ekki.

Ég vildi gjarnar gefa henni lifrina mína.....já eða allavgna hluta af henni, ef ég gæti.

En vonandi kemur hún heim fyrir helgi hressari sem aldrei fyrr!

Svo er það náttúrlega Ásgeir brotna löpp. Hann er núna búin að vera á hækjum í ca 5 mánuði og er nú orðin nett eða eignlega mega pirraður á því! Hann er nú samt allur að koma til og löppin jafnvel farin að hlíða fyrirmælum, Þökk sé sjúkraþjálfaranum sem er á lausu:)

Ég var að flétta í gengum myndir á facebook og fann þessa af okkur vinkonunum, hef reyndar sett hana áður, langaði bara að setja hana með í tilefni dagsins og...... af því að við erum svo sætar!

Glittering skvísur!!!

Það styttist óðum í brottför norður í fögru Mývatnssveit. Þar verða batteríin hlaðin. Gummi ætlar að taka með sér sleðann svo honum leiðist ekki sem er vel til fundið hjá honum. Hann kannski býður mér mér með sér í fyrsta skiptið :)

En ég á náttúrlega engan sleða eins og ég hef stundum fengið að heyra (meira í gríni en alvöru) og mér skilst að það sé ekki skemmtilegast að hafa taugaveiklaðan farþega með...... Kannski fæ ég sleða í skóinn aldrei að vita.

Ég ætla að skella mér í smá fegrunarðagerð á eftir eða þar að segja klippingu og er að spá í að lita það ljóst. Gerði það reyndar einu sinni og var þá eins og litli ljóti andarunginn en ég er viss um að það verður betra núna því síðast var það stutt!

XXX

Jólin nálgast hratt

2008-12-13T13:13:00.000-08:00

Jæja það er aldeilis......

Erum búin að vera heima hjúin síðustu daga og reyna að ná einhverri heilsu. Gummi er með lungnabólgu en er nú allur að koma til á pensilín skammti númer 2 og ég kom heim úr vinnunni á fimmtudag alveg eins og aumingi. Þar að leiðandi erum við að missa af desemberskemmtunum sem við stefndum á t.d jólglögg í gær og jólahlaðborð í kvöld enda forgangi að ná heilsunni. Tíminn líður allt of hratt þessa dagana, eigum eftir að gera nokkra hluti áður en við förum norður um næstu helgi.

Jólin koma nú samt hvort sem maður er tilbúin eða ekki!

Á morgun ætla ég að fara í smá laufabrauðsgerð með fændfólki mínu og hlakka ég mikið til þar sem þessi siður virðist ekki tíðkast í öllum fjölskyldum og hef ég alveg misst af þessu síðustu árin. Til stedur að fá gömlu bekkjarfálagana í heimsókn þann 27. des. Höfum ekkert náð að hittast í langan tím og er því mikil tilhlökkun. Verst er að ekki sjá sér allir fært að koma heim á klakann um jólin og því verður margra sárt saknað!

En ...... later!

XXX

Hvítt jólatré á 2 í aðventu........

2008-12-07T11:10:00.000-08:00

Hvíta jólatréið er komið upp!

Lítil prinsessa var hjá okkur um helgina og fékk að skreyta það i dag.

Það er voða fínt hjá henni og kemur bara rosalega vel út.

Það eru reyndar fullt af ljósum á því sem sjást voða illa á myndunum þannig að það er ennþá flottara en á myndunum!

Gátum reyndar ekki notað allar jólakúlurnar, þær voru allt of margar:)

Blogga meira fjlótlega nenni því ekki núna ætla að hafa það notalegt með sæta mínum í kvöld.

XXX

Ísland í dag....

2008-12-04T03:02:00.000-08:00

Hvað er að gerast eiginlega? Dabbi kóngur neitar að greina frá því sem hann veit um af hverju Bretar beittu hryðjuverkalögunum á Landsbankann! Hann ber fyrir sig bankaleynd!

Og hvað? Getur hann það bara? Helvítis bananalýðveldi. Ég er nú ekki mikið að velta þessum hlutum fyrir mér en er samt sem áður búin að fá mig fullsadda á þessum bjánaskap sem þetta allt saman er. Á meðan ráðamenn þjóðarinnar spila kreppuskpilið raunverulega þá eru fullt af fólki að missa heimilin sín og stefna í gjaldþrot! Er það bara allt í lagi?

Annars svo ég haldi nú áfram á auglýsa Stefán Pétur þá var að koma í sölu eftir hann þessi Íslands platti sem er hér fyrir ofan. Þetta er svona pottleppi, þolir mikinn hita og uppþvottavélina. Bara flottur.....

Jæja það sem er helst að frétta......

Signý sæta kemur til okkar í dag sem er bara gaman.

Ætla að hitta Mývatnssveitarpíurnar annaðkvöld yfir jólglöggi og konfekti líka bara gaman.

Í vinnunni minni fá allir einn bökunardag í frí í desember, algjör snilld.

Ætla með Ásgeiri brotnu löpp að verlsa jólagjafir í dag.........

Þannig er það nú bara

XXX

Fyrsti í aðventu !

2008-11-30T02:51:00.000-08:00

Jæja það er ótrúlega gaman að vera til þessa dagana. Mikið að gera og allt eitthvað svo frábært. Ég er búin að vera að undirbúa jólin hérna heima ( við náttúrlega). Eins og ég sagði ykkur frá þá keypti ég hvítt jólatré og hlakka rosa til að skreyta það og sjá hvernig það kemur út. Tók saman allar jólakúlur á heimilinu og er húsmóðirin aðeins búin að missa sig í því þannig að hér fylgir mynd af herlegheitunum. Ég vildi setja upp jólátréð um helgina en minn heittelskaði tók það ekki í mál ! He he hann hélt að núna væri ég alvg búin að missa það. En samkomulagið var næsta helgi, sjáum til með það.......

Hérna er fína nýja rúmið okkar sem við fengum í vikunni. Þvílíkur munur sofum núna alveg eins og englar. Erum þar að leiðandi með 2 önnur rúm til sölu. Viljum gjarnar losna við þau sem fyrstþar sem ekki er hægt að koma fyrir tannstöngli í geymslunni núna......

Gott að eiga mann sem er smiður og reddar öllu sjálfur þarf aldrei að hafa áhyggur að hann sé að gera eitthvað vitlaust eins og sumir :)

(nefni engin nöfn)

Jólaskórnir!! Ég elska þá! Þetta eru glimmerskór aldarinar. Mér líður eins og öskubusku í þeim .....

Jólakransinn sem má kveikja á í dag. Enföld og góð leið:

Skál, kerti, jólakúlur

XXX

Flöskudagur ! Jóla hvað?

2008-11-28T06:58:00.000-08:00

Smá spurning

2008-11-28T00:46:00.000-08:00

Það eru nokkrir búina að hafa samband við mig af því að þeir geta ekki commentað á bloggið mitt. Veit einhver af hverju það er ? Þarf fólk að vera með gmail reikning? Þetta er eiginlega smá pirrandi! Endilega látið mig vita.......

Gerumst umhverfisvæn í kreppunni

2008-11-27T03:03:00.000-08:00

Nú er rétti tíminn til þess að skoða venjur sína og draga úr á eins mörgum stöðum og hægt er. Hér læt ég fylgja einfalda hluti sem hjálpa ykkur að lækka rafmagnsreikninginn um heilan helling svo verðið þið líka agalega umhverfisvæn sem er stór kostur......

Slökkvið ljósin
Ljós loga oft að óþörfu þar sem enginn hefst við. Þeir, sem gleyma að slökkva á eftir sér, eru nánast að kasta peningum út um gluggann.
Notið rétt ljós og réttar perur
Við val á ljósum er nauðsynlegt að hafa í huga hversu mikillar lýsingar er þörf. Veljið ljós sem gefa þá lýsingu sem þið þurfið og notið ekki sterkari perur en nauðsynlegt er því orkunotkunin eykst eftir því sem peran er sterkari. Notið flúrpípur þar sem þess er kostur, þær gefa mikla birtu án þess að eyða miklu rafmagni. Gætið þess að skermar og ljósakúplar dragi ekki úr birtunni

Uppþvottavélin
Fyllið uppþvottavélina. Hún notar jafnmikla orku hvort sem mikið eða lítið er þvegið í einu. Notið sparnaðarhnappinn (E) eins oft og kostur er. Pottar og önnur áhöld, sem taka mikið rými, er ekki hagkvæmt að þvo í uppþvottavélinni. Þvoið upp sem fyrst svo að matarleifar nái ekki að þorna. Þá nægir styttra þvottakerfi og lægra hitastig.

Þvottavélin
Fyllið vélina af þvotti. Það kostar álíka mikið að því lítinn og mikinn þvott. Veljið ekki of hátt hitastig. Vélin notar 30% minni orku ef hitinn er lækkaður um þriðjung. Sleppið forþvotti ef þvotturinn er lítið óhreinn. Það sparar 20 % orku. Skolun með köldu vatni fyrir þvott getur sparað orku.
Þurrkarinn
Vindið þvottinn sem best áður en hann er settur í þurrkarann og hreinsið ló úr síunni eftir hverja notkun. Setjið hæfilegt magn af þvotti í þurrkarann, hvorki of mikið né of lítið. Hvort tveggja veldur meiri orkunotkun en ef þurrkað er hæfilegt magn í einu. Notið sparnaðarstillingu þegar henni verður við komið.

Örbylgjuofninn
Tími og orka sparast þegar matreitt er í örbylgjuofni. Það tekur til dæmis 7 mínútur (0, 14 kWh) að matreiða 250 g af kartöflum í örbylgjuofni en 25 mínútur (O,22 kWh) á eldavél. Notið eldunaráhöld sem hentar örbylgjuofninum. Sjóðið eða hitið matinn í lokuðum ílátum, þannig helst hitinn betur á matnum og orkan sparast. Með því að nota lítið vatn þarf styttri suðutíma. Oft er hægt að sleppa vatninu aleg þegar matreitt er í örbylgjuofni.
Eldavélin
Gætið þess að potturinn sé hæfilega stór á helluna. Ef potturinn er 2 sentímetrum minni en hellan sem hann er á fara 20% orkunnar til spillis. Ósléttur botn á potti eða pönnu getur valdið 40% meiri rafmagnsnotkun. Notið þétt lok á pottinn og takið það ekki af meðan soðið er. Loklaus pottur þarf tvöfalt meiri orku en lokaður. Það þarf tvisvar til þrisvar sinnum meiri orku til að glóðarsteikja í ofninum en að steikja á hefðbundinn hátt.
Frystikistan
Æskilegt er að frystikistan sé á köldum stað. Hún notar 5% minna rafmagn fyrir hvert stig sem umhverfishitinn er lægri. Gætið þess að kæliristin á bakhlið kistunnar sé hrein og að nóg loft geti leikið um hana. Innilokuð og rykug kælirist getur valdið 30% meira rafmagnsnotkun. Látið frystikistuna ekki ganga tóma. Tóm kista notar jafn mikið rafmagn og full.
Ísskápurinn
Hæfilegt hitastig í ísskápnum er 4-5° C. Rafmagnsnotkun eykst um 4 % fyrir hvert stig sem hitinn er lækkaður. Gætið þess að loftræsting sé nægileg bak við kæliskápinn. Léleg loftræsting getur valdið 5-10% meiri rafmagnsnotkun. Kæliskápa, sem ekki eru með sjálfvirka afhrímingu, þarf að þíða reglulega.
Kaffivélin
Það þarf um 30% minni orku ef kaffi er lagað í kaffivél í stað þess að nota hraðsuðuketil og hella uppá á gamla mátann. Notið hitakönnu til að halda kaffinu heitu en ekki hitaplötu kaffivélarinnar.
Gleymd notkun
Mörg heimilistæki nota rafmagn jafnvel þó að þau séu ekki í gangi. Þetta eru tæki sem búin eru fjarstýringu og eru tilbúin að hlýða skipun frá henni, t.d. sjónvörp, hljómtæki, myndbandstæki o.fl. Öll þessi tæki auka orkunotkunina. Þó svo að þau taki lítið afl er oftast kveikt á þeim allan sólahringinn allan ársins hring. Sem dæmi má nefna að myndbandtæki, sem stjórnað er með fjarstýringu, notar um 100 kWh á
ári. Það er að slökkva alveg á myndbandstækinu hefur bæði8 kosti og galla. Ef slökkt er alveg á tækinu sparast þessi 100 kWh en á móti þarf oft að endurstilla klukku og dagsetningu þegar kveikt er næst.

Jæja þá vitið þið það

XXX

Mánudagur til mæðu og Mánuður í Jólin

2008-11-24T05:36:00.000-08:00

Jæja frábær helgi að baka og ný vinnuvika hafin. Helgin fór í jólaundirbúning að mestu og afslöppun. Náði að kaupa nokkrar jólagjafir, búa til aðventukransinn, skreyta smá og kaupa jólaspariskóna! (sem eru btw öskubusku glimmerskór, GEGGJAÐIR)
Hendi inn myndum af því seinna.
Allt mjög gott að frétta. Er alveg búin að jafna mig á veikindunm sem betur fer. Í kvöld er stefnan að fara út að borða með nokkrum vel völdum vinum. Hún Íríni er að fara heim til Grikklands fljótlega og viljum við vera með smá kveðjuhitting fyrir hana, vonandi kemur hún bara aftur sem allra fyrst.
Í dag er akkurat mánuður í Jólin sem þýðir að við förum norður eftir enn styttri tíma.
Það verður ótrúlega ljúft að komast í sveitina mína, er farin að sakna hennar mikið.
Frétti áðan að ein af mínum kæru vinkonum var að missa vinnuna. Æi þetta er eitthvað allt svo ömurleg. Það er lítið sem maður getur sagt nema vonandi færðu eitthvað að gera sem er náttúlega svo súrt þar sem allir vita að líkurnar eru frekar litlar á því. En það þýðir ekki neitt að gefast upp, bara fara þetta á hörkunni og ef einhver getur það þá er það hún!
Annars stefnir allt í það að það verður óbúanlegt hérna á þessu blessaði landi okkar bla bal var búin að skrifa margar línum um þetta þjóðfélagsástand en strokaðið það út, ætla að eyða minni orku í fallega hluti og það góða í lífinu (æl) !
Fékk sent frábæran póst um daginn um hvað ást er í hugum barna og læt hér fylgja með nokkur gullkorn í tilefni dagsins..........

"Þegar amma mín fékk liðagigtina gat hún ekki lengur beygt sig niður til að lakka táneglurnar, svo að afi gerði það alltaf fyirir hana jafnvel eftir að hans hendur fengu liðagigt líka. það er Ást" (4. ára )
"Ást er þegar mamma gerir kaffi handa pabba og hún tekur sopa áður en hún gefur honum það til að vera viss um að bragðið sé í lagi" (7. ára)
#Ást er þegar þið kyssist öllum stundum. Síðan þegar þið eruð þreytt á að kyssast viljið þið enn vera saman og tala meira. Mamma mín og pabbi eru þannig. Það er ógeðslegt þegar þau kyssast" (8. ára)
Ást er það sem er með þér í stofunni á Jólunum ef þú stoppar að taka upp gjafirnar og hlustar" (7.ára)
"Þegar þú elskar einhvern, fara augnhárin upp og niður og litlar stjörnur koma út úr þér" (7.ára)

Og síðasta gullkornið að lokum

4 ára gamall drengur átti gamlan herramann að nágranna sem hafði nýlega misst konuna sína. Þegar hann sá gamla manninn gráta, fór litli drengurinn inn í garð herramannsins, klifraði upp í kjöltu hans og bara sat þar. Þegar móðir hans spurði hann hvað hann hefði sagt við gamla manninn svaraði hann "Ekkert. Ég bara hjálpaði honum að gráta"

Eigið góðan dag elskurnar mína

XXX

Slappleiki & Partýgleraugu

2008-11-21T06:26:00.000-08:00

Það er búin að vera alvarleg bloggleti í gangi enda flensa og óhressleiki búin að eiga hug minn allan síðustu daga. Mætti til vinnu í dag en hefði sjálfsagt haft meira gagn af því að liggja bara áfram heima. Helgin framundan verður tileinkuð rólegheitum. Þrátt fyrir allt þá er ég í mega jólaskapi og hlakka til að fara að nota helgina í að skreyta aðeins......
Annars er frekar lítið að frétta enda gerðist ekkert krassandi í veikindunum gæti samt rakið fyrir ykkur Greys anatomy 3 seríu, ég hef alltaf einn McDreamy við hendina ef hinn er upptekinn...
Síðasta helgi var tekin með trompi, hitti Elísu, Valdimar og Ásdísi heima hjá elísu og spiluðum Partý og co nýju útgáfuna sem er vægast sagt mun súrari en sú fyrri. Appelsínugul partýgleraugu og trélitur einkenndu það kvöld.
Annars var Mývetningapartýið á laugardagskvöld og var það að sjálfsögðu hin mesta skemmtun, eignaðist meir að segja fyrverandi kærasta sem ég kannast ekkert við að hafa átt......
já alveg furðulegt það og mjög svo fyndið:)
Heiða og Hörður uppháldin mín voru í bæjarferð og átti ég gott kvöld með þeim, Takk fyrir það elskurnar mínar.
Annars er mér efst í huga núna hvað hann Dabbi kóngur er nú helvíti mikið fífl .....afsakið mér bara finnst það. Er engin leið að láta hann segja af sér. Hvað var hann að grúska í fyrverandi ástarlífi hennar Dorritar vinkonu minnar? Ég held hann ætti að taka inn lyfin sín........

En allavegna........... later.

XXX

Ágætis hugleiðing inn í nýja viku

2008-11-17T02:35:00.000-08:00

Helgur maður var í viðræðum við Guð og sagði: Guð, mig langar að vita hver munurinn er á himni og helvíti. Við svo búið fór Guð með manninn að tvennum dyrum. Hann opnaði aðra þeirra og hinn helgi maður leit inn. Í miðju herbergisins var stórt hringlaga borð. Á miðju borðsins var stór pottur með pottrétti sem ilmaði svo vel að hinn helgi maður fékk vatn í munninn. Fólkið sem sat við borðið var horað og veiklulegt. Það leit út fyrir að vera að svelta í hel.
Fólkið hélt að skeiðum með löngu handfangi og hendur þeirra voru bundnar við stólana en þó gátu þau veitt matinn upp úr pottinum með skeiðinni. En þar sem handföngin á skeiðunum voru lengri en hendur þeirra þá gátu þau ekki komið matnum úr skeiðinni upp í sig. Hinn helgi maður varð undrandi á þeirri eymd og þjáningu sem við honum blasti. Guð sagði, 'Þú hefur nú séð inn í helvíti.' Síðan fóru þeir að næstu hurð og opnuðu hana.
Við blasti sama sjón og í fyrra herberginu.
Stórt hringlaga borð með stórum potti fullum af pottrétti sem einnig varð til þess að hinn heilagi maður fékk vatn í munninn. Fólkið hafði sama búnað, þ.e. skeiðar með löngu handfangi. Munurinn var hins vegar sá að þetta fólk var vel haldið, kátt,hresst og talaði saman.
Þetta sagðist hinn helgi maður ekki skilja. Þetta er einfald, sagði Guð. En þetta krefst eins hæfileika. Eins og þú sérð þá hefur þetta fólk lært að mata hvert annað á meðan að hinir gráðugu hugsa eingöngu um sjálfan sig.

Forvitnin að drepa alla...og þá sérstaklega Elísu

2008-11-13T05:11:00.000-08:00

Jæja ég skal leysa frá skjóðunni. Ég vissi nú vel að einhverjir yrðu að fá að vita hvað væri eignlega að gerast en 27 des.... það er ekki brúðkaupið mitt!

Það verður partý og ykkur er ekki boðið! Ha ha

Þeim sem verður boðið hafa þegar fengið boðsmail um það

Nú verða einhverjir fúlir....

(gaman að halda ykkur forvitnum)

Annars var gærkvöldið aldeilis frábært.

Minn yndislegi maður var búin að kaupa miða fyrir okkur á tónleika í Háskólabíó...

Þar voru meðal annar að spila, Ragnheiður Gröndal, Páll Rósinkrans, Hera Björk, Buff, Laddi og Sálin svo eitthvað sé nefnt...

Hann kann þetta þessi elska...

XXX

Hvítt jólatré

2008-11-12T05:34:00.000-08:00

Skjótt skipast......

Ég skrifaði hérna langan pistil um daginn um umhverfisvæn jólatré......

...ég er innilega sammála því öllu ennþá en....

því miður get ég ekki verið með lifandi tré í ár en langar samt sem áður að vera með tré heima sem ég get þá bara sett upp snemma og notið þess.

Ég ætla að kaupa hvítt plasttré!

Mig langar svo að prufa að skreyta hvítt tré, ég er alveg viss um að það verður mjög töff, samt kannski ekki eins og maður á að venjast. Ég hef alltaf verið hálf hneyksluð á því fólki sem er með hvít jólatré þannig að nú er komið að mér að hneyksla ykkur :)

Annars er allt gott að frétta af mér átti frábærlega skemmtilega helgi í Grímsnesinu um síðustu helgi. Veðrið var engu likt, á föstudagskvöldið vorum við McDreamy í pottinum það var 8* hiti og blankalogn, svo mikið að við vorum með kveikt á sprittkertum hjá okkur.
Á laugardaginn komu svo gestirnir og breyttist því stemningin ansi fljótt.

Var borðaður dýrindis matur, farið reglulega í pottinn og skemmtunin eftir því.....

Fréttir...

Stefán Pétur verður meira CELEB með hverjum deginum
Það eru 43 dagar í jólin
Pétur litli étur prótein eins og engin sé morgundagurinn
Stjórnvöldum gengur ekki neitt að rétta úr kútnum
Fólk er misgott í að senda tölvupóst
27. des

Annars er eitthvað surprise í kvöld og ég er alveg að drepast úr forvitni

XXX

Hús og híbýli....

2008-11-07T03:45:00.000-08:00

Viðtal við Stefán Pétur í Hús og híbýli.......

smá blogg fyrir helgina

2008-11-06T04:56:00.000-08:00

Jæja best að blogga aðeins. Er eitthvað ekki að nenna að blogga þessa dagana. Er reyndar að undirbúa aðra síðu sem ég kem til með að færa mig yfir á sem verður læst. Ástæðan er sú að ég hef náttúrlega ekki hugmynd um hverjir eru að lesa hérna inni og það eru alveg til manneskur sem ég kæri mig ekkert um að viti hvað ég er að gera. Spurning að þið kvittið bara fyrir innlitið þá veit ég hverjir lesa :)

En meira um það síðar....

Helgin nálgast og ætlum við að bregða okkur úr fyrir höfuðborgina í sæluna í Grímsnesinu. Vonadi getum við bara slökkt á símunum og haft það notalegt. Bræður mínir tveir ætla að kikja á Laugardaginn og mín sæta mágkona, hlakka ég mikið til því ég veit að það verður gaman.

Góður matur, svladrykkir og heitur pottur er alveg toppurinn á tilverunni......

Stal þessari mynd á netinu

Annars er ekki rætt annað en krepputal þessa dagana sama hvert maður fer.

Þetta er nú meira bananalýðveldið sem við búum í, ég segi ekki annað.

Það væri réttast að flytja bara úr landi og gerast erlendur ríkisborgari. Þessir grísakóngar eru búnir að eyðilegga orðspor okkar hvort eð er. Það er nú bara þannig því miður að sú tíð er liðin að maður sé eitthvað sérstaklega stoltur af því að vera Íslendingur.

Ég vona svo innilega að mínir kæru vinir sem harka í mastersnámi erlendis nái nú að klóra í bakkann því ekkert er fyrir þau heim að sækja núna, enga vinnu að fá.

Nóg af þessu röfli í bili...

Lenti annars í ansi skemmtilegu atviki í Sporthúsinu um daginn. Ég og Mc Dreamy vorum búin að fara inn í klefa, klæða okkur í íþróttafötin og vorum að fylla vatn á brúsana okkar, þá litum við á hvort annað og hvað haldið þið...... Við vorum í eins bolum!

Frekar leim hefði kannski fundist það töff ef við hefðum verið í eins krumpugöllum:)

Annars er það náttúrlega oft brandari fyrir sig að vera þarna. Maður verður vitni af fáránlegustu atvikum. Um daginn var ein að hlaupa alveg á fullu og hrundi af brettinu frekar skondið. Svo eru nátturlega þeir sem eru að hnykkla vöðvana í speglunum og halda að engin sjái...

En vonadi hafið þið það rosa gott um helgina

XXX

Góður dagur í dag

2008-11-01T07:39:00.000-07:00

Búin að taka allt í gegn hérna heima, ætla að drullast í ræktina, og stefnan síðan sett á Partý á Selfossi.......það er víst málið í dag.

Fór í rosa skemmtilegt hvítvínspartý í gær með Mörtu og Írisi, þær í Danmörku, ég í Kópavogi. Skypið er alveg meika það...

XXX

Helgin nálgast....

2008-10-30T13:54:00.000-07:00

Jæja þá er enn ein vikan senn á enda og aftur að koma helgi. Þessi helgi átti að fara í rólegheit og rómantík hjá okkur skötuhjúum en ....... nei .... síðusta daga hefur ringt inn tilkynningum um afmæli, innflutningspartý, hjálparsveitarstarf og verkefni í vinnunni sem þarf að klára. Þetta er allt að sjálfsögðu á vegum míns yndislega upptekna kærasta.

Við sjáum bara til hvað tíminn leyfir okkur en í forgangi hjá mér er að mæta í ræktina enda búin að standa mig með endæmum vel þessa vikuna og á þar að leiðandi sérstaklega erfitt með allar hreyfingar í dag:)

Helst að frétta þessa dagana...

...er frekar lítið þar sem ekki mikið annað er gert en vinna og mæta í ræktina.

Næstu helgi ætlum við út úr bænum sem verður bara yndislegt.......
-Það eru 55 dagar til jóla
-Ég er búin að kaupa slatta af jólaskrauti....
-Á alveg eftir nánast allar jólagjafir :(
-Marta og Elísa er ótrúlega lélegir bloggarar :)
-Hilda er hætt að blogga...
...og ég er áfram rosa heppin!

XXX

Ég mæli með....

2008-10-29T07:42:00.000-07:00

.....Fyrir allar skvísur að kíkja niður á Skúlagötu í búð sem heitir Volcano Design.

Hún heitir Katla ofurskvísan sem hannar og framleiðir þessi eðal pæju-föt.

Ég eignaðist svona peysu eins og er hérna á myndinni nema bara rauða og

ég er alveg súper ánægð með hana. Ef ykkur langar að skoða hvað er í boði þá er síðan hennar hér.

Ég er líka alveg ákveðin í að fá mér svona glamúr-ermar fyrir jólin/áramótin.

Það fæst einnig þarna hellingur af glingri á mjög góðu verði..

Munið að við eigum að versla Íslenskt, svo er það líka bara miklu meira töff!

XXX

1. ÁR....

2008-10-27T06:46:00.000-07:00

Í dag er akkurat eitt ár liðið síðan ég fór á fyrsta alvöru stefnumótið með

draumaprinsinum mínum. Það var á Sólon 27. okt 2007.

Ég man að ég var alveg að drepast úr stressi.....

......og hann var eitthvað svo hrikalega sætur.

Mér er búið að finnast rosalega gaman að vera til þetta árið...

XXX

Hawaii partý

2008-10-25T08:19:00.000-07:00

Fór í gær Hawaii partý með frænkum mínum. Við hittumst alltaf þessi hópur einu sinni á ári og borðum og skemmtum okkur saman. Hvert ár hefur sitt þema t.d hefur verið gull-þema hatta-þema, bleikt-þema og f.l. og var þetta boð nr 9.

vá 9 ár!

Þær gömlu systur sjá algjörlega um allt tilstand og klikkar það að sjálfsögðu aldrei.

Það er alltaf hægt að treysta á að það er mikið hlegið og hlakka ég til allt árið af fara í næsta boð....

Sumir lögðu meira á sig en aðrir í að skapa stemningu eins og sjá má á myndunum.

Hérna erum við mæðgurnar, við erum náttúrlega alveg eins (haha)..

Og við frænkurnar,

Allur hópurinn saman

XXX

Sláturgerð í sveitinni

2008-10-23T13:36:00.000-07:00

Sét hérna inn nokkrar myndir frá síðustu helgi, fórum upp í sveit í sláturgerð.

Hérna eru allir mjög mikið að vanda sig við að sauma,

takið eftir frábærlega flottu svuntunni :)

Hérna eru sætu frænkur mínar Sigurrós og Rebekka

Pabbi að hjálpa til við að klæða prinsessuna í "sveitagallan" fyrir smölunina

Hrærimeistarinn undir eftirliti ættmóðurinnar

Ásgeir saumði að mikilli snilli enda kínverskur meistari í þæfingu að eign sögn...

Hann var alveg örugglega með nógu langan spotta

Núna er helgin að nálgas og er margt skemmtilegt framundan.

Bíð eftir morgundeginum með mikilli eftirvæntingu,

verður mikið fjör og mikið gaman.....

Nánar um það seinna

XXX

64. DAGAR TIL JÓLA

2008-10-21T03:35:00.000-07:00

Jólatréð í ár....Ég er mikið að velta fyrir mér jólunum þessa dagana og þykir sjálfsagt sumum að það sé heldur snemmt. Til stendur að vera í fyrsta skiptið ekki í foreldrahúsum í ár og því safna ég jólaskrauti og hugleiði hvern einast hlut vandlega t.d hvaða litur verður alsráðandi og fl. því allt skal þetta verða fullkomið að sjálfsögðu :)

Mig langaði að fræða ykkur aðeins um jólatré ef einhverjir eru að velta því fyrir sér hvort þeir eigi að kaupa plastjólatré. Það virkar sjálfsagt rosa sniðugt og halda margir að þeir séu að gera umhverfinu gott með þeim. Raunin er ekki sú og samkvæmt rannsóknum þá eru lifandi tré allt að 5 sinnum umhverfisvænni. Þetta kemur til að því að mikla orku þarf til að framleiða plasttrén og til að flytja þau á markað. Flest þeirra eru nefnilega framleidd í Asíu.

Ef þið viljið vera sérstaklega umhverfisvæn þá er best að velja Íslensk tré og þá helst Stafafuru. Við ræktun hennar eru ekki notuð nein aukefni en við ræktun trjá sem koma t.d frá Danmörku er notað mikið af spilliefnum s.s illgresislyf og skordýraeitur. Ofaná þetta bætist svo flutingur, eldsneytisnotkun og útblástur.

Svo er alltaf verið að brýna fyrir okkur að kaupa Íslenskt í kreppunni!

Þetta var bara aðeins til umhugsunar....

XXX

Vetrarblogg

2008-10-20T03:12:00.000-07:00

Hverfjall í vetarbúningi, já fjall ekki fell....;)

Jæja þá er enn ein rólegheita helgin að baki, Vetur konungur er svo sannalega mættur og skilst mér að við eigum eftir að finna betur fyrir honum þegar líður á vikuna. Ég er svo heppin að hafa yndislegan mann sem hugsar um mig og er ég því komin á vetardekkin og tilbúin að mæta honum.

Grunar að það séu margir ekki tilbúnir og komi til með að þurfa að skafa með debet kortinu sínu næstu daga.

Trúið mér ég þekki það vel.....

Gerðum ýmislegt um helgina og þar á meðal tókum við slátur í sveitinni og í fjölskylduboð á laugardag.... semsagt góð helgi.

Litla prinsessan fór heim snemma á sunnudagsmorgun sem öllum þótti mjög leiðinlegt, hefðum viljað hafa hana lengur. Það koma sjálfsagt betri tíma í þeim efnum sem í öðrum málum, vonandi bara með hækkandi sól.

Ég setti hérna inn um daginn spá völvu vikunnar fyrir árið og heyrði ég í morgun að hún hafi verið fengin til þess að gera aðra fyrir næstu mánuði. Mér skilst að sú spá sé ekkert til þess að hlakka til, ætla mér að kaupa blaðið á eftir og lesa hana betur svo ég sé ekki að setja einhverja vitleysu hérna inn. Hef fulla trú á henni, hef samt ekki ennþá komist að því hvaða spákona þetta er.

Ég veit það bara að ég hef farið sjálf til Sigríðar Klingenberg tvisvar mér til gaman en það hefur undantekningarlaust allt ræst sem hún hefur sagt við mig. Held að það sé einmitt komin tími til þess að kikja á hana aftur, svo er hún líka bara svo hrikalega skemmtileg.

Erum komin í átakið Í KJÓLINN FYRIR JÓLIN............

Við fórum og keyptum okkur kort í Sporthúsinu og er stefnan að mæta kl 06:00 :(

Það á örugglega eftir að ganga mjög vel.......

-Annars er ég alveg orðin viðþolslaus því mig langar svo norður hef ekki farið síðan í ágúst.

Er einhver á leiðinni í nóvember ?

Eitt að lokum, veit einhver hvort það er hægt að setja teljara inn á þessi bloggsvæði ?

XXX

Hvanneyri town

2008-10-16T08:26:00.000-07:00

Jæja þá er ég komin til baka frá Hvanneyri og búin að flytja fyrirlesturinn sem gékk að sjálfsögðu ljómandi vel. Það var rosa gaman að koma þarna uppeftir og hitta fullt af krökkum sem ég hef ekki séð lengi, gerði mér samt alveg fljótlega grein fyrir því að ég er mjög sátt með að Hvanneyrartímabilið er búið hjá mér. Við Sólvegi vorum mættar eldsnemma í morgun upp í Keldnaholt til þess að fá lykla af bíl sem skólinn á til þess að fara á uppeftir. Var okkur líka úthlutað þessum fína sveita jeppa, veit ekki alveg hvað þau voru að pæla að láta okkur skvísurnar keyra þetta......en það hafðist nú hjá okkur
........................ allavegna takk fyrir daginn Rósa og Sólveig XXX

Helst á dagskrá ....

Fríið mitt á morgun, get ekki beðið!

Flleira var ekki í fréttum

XXX

Særð jörð

2008-10-14T06:14:00.000-07:00

Ég er undanfarna daga búin að vera að undirbúa mig aðeins fyrir fyrirlseturinn sem ég verð með á Hvanneyri núna á fimmtudaginn. Þurfti þar að leiðandi að fara yfir myndirnar úr gömlu tölvunni minni sem eru inn á flakkaranum. Rakst þar á þetta skemmtilega verkefni sem ég gerði í sjónmenntum hjá henni Helllu ég held alveg örugglega á 2. ári. Verkefnið hét særð jörð og var hugsunin á bakvið það að ef jörðinni myndi blæða vegna ágangi okkar manna á hana þá myndi henni kannski blæa svona.......?
Marta "smarta" kom og hjálpaði mér að keyra um Borgarfjörðinn í jökulkulda í leit að
heppilegri á/sprænu sem við gætum hellt nokkrum brúsum af matarlit í til þess að fá þessa skemmtilegu samlíkingu. Verkefnið hét Særð jörð.
Þetta var nú bara eitt af fáu sem við þurftum að bralla í sambandi við skólann á þessum 3 árum okkar þar en mikið var þetta nú skemmtilegt.

Margi af bekkjarfélögunum eru farnir erlendis í áframhaldandi nám og eiga nú ekkert sérstaklega auðvellt þessa dagana, ég vona bara innilega að þetta bjargist allt saman hjá þeim og þau þurfi nú ekki að snúa heim út af þessu leiðindar ástandi í þjóðfélaginu.

Annars er allt gott að frétta, eins og ég sagði um daginn þá er lítil prinsessa hjá okkur þessa dagana og er það bara rosa gaman, frábært tilbreyting frá hversdagsleikanum.
Settum í gær upp heljarinnar prinsessuhöll eða eitthvað í þá áttina er ekki alveg viss um hvor hafði meira gaman af því ég eða hún ;)

Næst á dagskrá er að klára af fyrirlesturinn á fimmtudaginn og verður það mikill léttir þegar það er búið. Er svo búin að taka mér frí á föstudaginn til að gera eitthvað skemmtilegt og fara svo upp að Hellum og taka slátur um helgina.
Ýmislegt fleira skemmtilegt er á planinu um helgina þannig að okkur á ekki eftir að leiðast, vonandi ykkur ekki heldur .........

Veitir ekki af að dreifa huganaum og gera eitthvað skemmtilegt þessa dagana, ekki gleyma því.

Helsta pæling dagsins er ...............

.....af hverju verðum við að borga fyrir mistök annarra?

...................Það er alveg víst að ég borga alltaf fyrir mín eigin, engin hefur gert það fyrir mig...

Þetta er ósanngjarnt

XXX

Ísland til sölu á ebay...

2008-10-10T01:42:00.000-07:00

Ísland er til sölu á ebay en Grænland og Björk eru ekki innifalin í verðinu.

Linkurinn er hér

Iceland.
Established in 874 by Ingólfur Arnarson Iceland is the least populous of the Nordic countries with a population of about 320,000 and a total area of 103,000 km²..
Located on the Mid-Atlantic Ridge in the North Atlantic Ocean, Iceland will provide the winning bidder with - a habitable environment, Icelandic Horses and admittidly a somewhat sketchy financial situation.
Big Towns and Cities including: Reykjavík, Kópavogur, Hafnarfjörður, Akureyri & Reykjanesbær.
PLEASE NOTE: GREENLAND AND Björk ARE NOT INCLUDED IN THIS AUCTION!
Offered at 99p start price and without reserve!!!!!
If you want more pictures or have any questions just drop me an email:

Á síðunni eru einnig nokkrar spurningar sem tilvonandi kaupendur eru með til seljanda s.s hvort það sé hægt að greiða með paypal, nú þegar eru 58 spurningar þarna inni.

Hvað er grínið ?

XXX

Creeeepy

2008-10-09T06:28:00.000-07:00

Þetta sagði völva Vikunnar m.a. um síðustu áramót:

„Fjármálakreppa er fram undan á Íslandi, eins og við höfum séð undanfarið, og blaðran er að springa. Það verður hrun á peningamarkaði og það syrtir í álinn hjá fólki aðeins meir en nú er. Við þurfum að ná botninum til að ná jafnvægi aftur. Það verður hrun hjá sumum og nýtt upphaf hjá öðrum ...
... Mikið tap verður hjá stóru fjármálafyrirtækjunum og ýmsar sviptingar og neikvæðar breytingar hjá bönkunum líka. Það á eftir að næða eitthvað um Seðlabankann, ég sé stríð í kringum Davíð og fjármálamenn, mér finnst líka hluti ríkisstjórnar blandast í það.“

Shit... þetta er náttúlega rosalegt. En hver er völva vikunnar veit einhver það?

Er það ekki Sigríður Klingenberg ?

XXX

Flokkun

2008-10-08T08:18:00.000-07:00

Er búin að sökkva mér niður í flokkun í dag. Við erum nokkuð dugleg við að flokka en held að við verðum að gera ennþá betur. Það eru svo margar staðreyndir sem koma á óvart og hérna eru nokkrar.....

Íslendingar nota um 4 milljónir pizzakassa á ári...
Ef þeim væri staflað þá ná þeir til tunglsins
Íslendingar henda 75 milljónum ferna á ári, aðeins 5 milljónir fara í endurvinnslu
Það fer 95% minni orka í að framleiða áldós úr endurunnu hráefni
Það skapast um 95% minni mengun við endurvinnslu á áli heldur en við frum framleiðslu
Með því að endurvinna 1 áldós samsvarar það þeirri orku sem fer í að horfa á sjónvarp í 3 klukkustundir!

Þetta var fróðleiksmoli dagsins í boði mín, ég er viss um að þið höfðuð ekki hugmynd um þetta....

Það er miklu auðveldara að flokka heldur en maður heldur og þeir sem nú þegar flokka plast og blöð eru komnir hálfa leið þannig að það er ekki svo miklu að bæta við......

XXX

Stelpukvöld í kvöld

2008-10-07T07:51:00.000-07:00

Ég og Elísa mín ætlum að gera okkur dagamun í kvöld og hittast. Það gerist orðið ansi sjaldan að við frænkurnar gefum okkur tíma til þess. Fyrir aðeins einu ári síðan virtumst við ekki hafa neitt betra að gera heldur en að hanga saman, síðasta haust kom ég til hennar allar helgar. Áttum við mörg góð móment saman....

Við vorum að hugsa um að fá okkur að borða saman ef við höfum tíma og skella okkur svo í bíó. Það er reyndar ekkert í kvikmyndahúsunum þessa dagana nema þá Reykjavík - Rotterdam eða Mamma mía.

Ég reyndar gæti alveg gubbað yfir söngleikjamyndum en hef samt heyrt að þessi sé fín, er einhver til þess að staðfesta það?

Annars er það að frétta að....

Lítil prinsessa kemur til okkar næstu helgi og verður í viku.
Mamma gamla kemur í bæinn og verður í 5 vikur
Marta smarta í Danaveldi er byrjuð að blogga loksins
Pétur litli krúnurakaður og lyftir lóðum á fullu
Fjármálakerfið í heild sinni er í klessu
Allir eru að spara og hamstra mat í bónus
XXX

Þú veist að það er árið 2008 .....

2008-10-06T08:01:00.000-07:00

Þú veist að það er 2008 ef....

1. Þú ferð í Party og byrjar að taka myndir fyrir bloggið þitt.

2. Þú hefur ekki spilað kapal með alvöru spilastokk í nokkur ár.

3. Ástæðan fyrir því að þú ert ekki í sambandi við suma vini þína er að því að þeir eru ekki að blogga, ekki á MySpace, facebook og eða á MinnSirkus .

4. Þú leitar frekar um alla íbúð af fjarstýringunni í stað þess að ýtabaraá takkann á sjónvarpinu.

6. Kvöldstundir þínar snúast um að setjast niður fyrir framan tölvuna.

7. Þú lest þennan lista kinkandi kolli og brosandi.

8. Þú hugsar um hvað það er mikil vitleysa að lesa þennan lista.

9. Þú ert of upptekin/nn að taka eftir númer fimm.

10. Þú virkilega skrollaðir tilbaka til að athuga hvort þar væri númer fimm.

11. Svo hlærðu af heimsku þinni.

Lán í óláni

2008-10-02T03:54:00.000-07:00

Lán í óláni þetta vesen allt með tölvuna. Í gær fékk ég nýja tölvu rosa flotta og fína. Þetta er Acer Aspire Blue og er mikið nýrri og öflugri en sú sem ég átti áður. Hún er með 4GB minni, 250GB harðan disk og 16"HD WXGA skjá svo eitthvað sé nefnt. Ég veit ekki hvort þetta segir ykkur eitthvað en það segir mér ekki neitt! Hún er allavegna rosa flott með töff bláum diskó ljósum út um allt sem skipta náttúlega öllu máli ;) og ég er mjög ánægð með hana.

Þannig að þetta fór allt vel að lokum með smá ákveðni ...

Annars er það að frétta að ég er að fara að halda fyrirlestur á Hvanneyri fyrir 1. árs nema í Uhverfisskipulaginu seinna í mánuðinum. Fyrirlesturinn er um Guðmund Hannesson sem var frumkvöðull í skipulagssmálum og mjög merkilegur kall. Fyrrverandi kennarinn minn og leiðbeinandi sér sér ekki fært að mæta og bað mig þess vegna að gera þetta. Guðmundur var einmittt mitt helsta vifangsefni i Bs rigterðinni og er þetta allt því voða spennandi.

Ofurparið Katla og Gunnar Páll eru að koma í mat til okkar annaðkvöld þannig að það verður alveg pottþétt mikið stuð hjá okkur.............

XXX

Helgin liðin

2008-09-30T01:28:00.000-07:00

Krónan er í frjálsu falli og virðist ekkert ætla að stoppa hana og Glitnir er farin á hausinn, ég ætla framvegis að geyma mína peninga í koddanum...

Þrátt fyrir allt þetta þá áttum við frábær helgi sem er að baki. Hér á myndini er hægt að sjá hvar við eyddum helginni og get ég tvímælalasut mælt með því fyrir alla að fara þarna og slappa af. Við vorum svo heppin að vera boðið í mat hjá uppáhaldsfólkinu mínu í Hveragerði og fengum "hátíðarveislu" hjá þeim, ekki við öðru að búast þar sem húsmóðirin er til mikillar fyrirmyndar.

Takk fyrir okkur XX

Annars fórum við 9 saman stelpurnar í sund í gærkvöldi í Kópavogslaugina nýju. Þetta er frábær hópur þar sem allar eru á einn eða annan hátt eitthvað tengdar Mývatnssveitinni fögru.

Ég mætti að sjálfsögðu tímanlega og tók kílómeterinn á þetta. Síðan fórum við í rennibrautirnar og skemmtum okkur konunglega. Held við höfum verið ansi skrautlegar sem gerir ekkert til. Ætlum að halda áfram að hittasta alltaf á mándagskvöldum og verðum ennþá fleiri þar sem nokkrar vantaði uppá.... Hlakka mikið til

Elísa mín er byrjðu að blogga aftur á nýjum og betri stað og getið þið skoðað það hér !

Þessi tölvumál ætla engan enda að taka ég er búin að fá nýja tölvu sem ég neita að taka við þar sem hún er eitthvað sýningareintak úr búðinni come on! Held þeim finnist ég vera ótrúlega frek að heimta tölvu úr kassanum .... þeir eru búnir að samþykkja að láta mig hafa aðra sem er bara ekki til.......

Fæ að vita í dag hvernig þetta fer ef ég fæ ekki aðra nýja upp úr kassanum í dag þá held ég að þeir geti ekki neitað mér um að fá bara peninginn og versla við einhverja aðra....

XXX

Skrauti & rómantík með Mcdreamy

2008-09-25T07:47:00.000-07:00

Þetta er Skrauti ala Stefán Pétur alveg hrikalega flottur. Ég er búin að ákveða að fá mér einn en get ekki ákveðið hvort hann á að vera rauður eða svartur......

Þeir sem hafa komið heim til okkar vita að það er ekki gífurleg litagleði í gangi þannig að ég held að rauði væri of mikið....

Hvað finnst ykkur?

Er að fara að ná í nýju tölvuna mína á eftir sem er reyndar eins og sú gamla. Ég er alveg að kafna yfir þeim þarna í Tölvulistanum það er eins og þeir haldi að þeir séu að gera með einhvern greiða með því að láta mig hafa aðra tölvu í staðin fyrir hina sem var by the way gölluð.

Smá skilaboð til Sigrúnar: Já ég veit ég var svo vitlaus en ég reyndi að fá hana endurgreidda en það var ekki í boði.

Erum að fara út úr bænum á Laugardag á alveg geggjaðan stað. Erum búin að eiga inni gistingu síðan í desember en ekki haft tíma til þess að nota hana.

Held að veðurguðirnir ætli að vera okkur hliðhollir og sleppa rigningunni um helgina það væri nú lovely........

.........Þannig að það er bara kósíheit framundan hjá mér og mínum Mcdreamy....

XXX

Eitthvað lítið að gerast.....

2008-09-24T04:24:00.000-07:00

Það eru rosa lægðir yfir landinu þessa dagana og virðist ekki sjá fyrir endann á því. Það er alveg ótrúlegt hvað þessar lægðir hafa mikil áhrif á okkur líka. Ég finn roslega mikið fyrir því er alveg að drepast úr leti og nenni alls ekki að gera neitt og ekki heldur að blogga. Enda gerist ekki neitt hjá mér þannig að það er frá litlu að segja. Held að öllum sé nákvæmlega sama um hvað er að gerast í vinnunni minni.
Talvan mín er í viðgerð í 3 sinn og ég er ekki búin að eiga hana í ár þannig að ég er að vonast til að fá nýja í dag eða á morgun. Er orðin frekar pirruð á þessu bún að vera sérlega óheppin með tölvur þessi yrði þá númer 3 á 3 árum. Allt er þegar 3 er, er það ekki?

Fótbrotni maðurinn sem er búin að vera heima hjá okkur í dáldin tíma núna er farinn. Ég veit ekki hvert....... mamma hanns tók hann.....

XXX

Rauðhetta og svifryk

2008-09-19T06:59:00.000-07:00

Þar sem það rignir eldi og brennisteini þessa dagana þá fór ég í gær og keypti mér killer regnkápu ..........

Hún er eins og þessi, nema

Svona á litinn...

Hrikalega töff

Annars er ég í hálfgerður áfalli eftir gærkvöldið. Fór á málþing í Iðnó sem var með yfirskriftinni "Hreint loft fyrir alla" Málefnið er mjög áhugavert og þarft. Þar var verið að ræða svifryk og áhrif þess á heilsu manna. Einnig hvað er hægt að gera til þess að sporna við þessari þróun sem er að verða. Eins og við öll vitum þá er hreina loftið ímynd okkar á alþjóðvettvangi. Það er ekki eitthvað sem er sjálfgefið og því mikilvægt að við leggjum okkar að mörkum til þess að viðhalda því. En það var ekki þetta sem ég er svo undrandi á heldur hvað það var fjölmennt á málþinginu eða...... 15 manns. Jamm ekki grín 15 manns sem sýndu málefninu áhuga og 5 fyrirlesarar, margir þeirra þekktir einstaklingar úr þjóðfélaginu. Samt var þetta auglýst nokkuð vel í 3 sveitafélögum.

Alveg glatað.

Er kannski bara öllum alveg sama ég bara spyr?

Við ætlum okkur kannski bara í framtýðinni að vera þekkt fyrir álver en ekki hreint loft !

XXX

Hjóladagur & fótboltaandinn

2008-09-17T03:55:00.000-07:00

Eins og ég sagði ykkur frá um daginn þá hafðist samgönguvikan i dag. Þannig að núna ættu allir að huga að því að nota aðra ferðamáta heldur en bílinn næstu vikuna, ekki það að ég ætla ekki að gera það, enda hef ég engan áhuga á að stofna lífi mínu í hættu með að hjóla Reykjanesbratina snemma morguns.

Á laugaraginn er svo hjóladagurinn og verður hjólað frá úthverfum höfðuborgarinnar t.d Hafnarfirði, Mosfellsbæ og f.l. og niður að tjörn þar sem tjarnarspretturinn fer fram. Við ætlum að leggja af stað héðan úr Hafnarfirðinum kl 11:30 og veit ég að allir mínir vinir ætla að sameinsast og hjóla þessa leið með mér alveg er ég viss um það...

Lét líka fylgja með veðurspána sem bregst okkur að sjálfsögðu ekki, ekkert frekar en síðustu daga.

Rigning og rok svoooo hressandi........

Ég er alveg búin að vera að svíkja liðið mitt í fótbolta síðustu vikurnar og þyki frekar lélegur liðsmaður. Fótboltaandinn hefur bara eitthvað lítið látið sjá sig enda er hann mjög fátíður gestur hjá mér. Hann poppar alltaf upp á svipuðum tíma ár hvert í tilefni að þjóðhátíðardeginum okkar, þá hefst einnig leiktíðin sem stendur reyndar ekki lengi yfir.

Nú er svo komið eftir öll þessi ár að það er farin að færast mikill keppnisandi yfir liðið og stelpurnar ákveðnar í að standa uppi sem sigurvegarar að ári. Ég verð því að fara að standa mig betur og æfa sendingar og annað sem ég hef heyrt að sé gott að kunna fyrir svona leiki.....

Langaði annars að a.t.h hvort fleiri horfðu á þáttin í gær NUNNAN ?

Mér fannst þetta svo hræðilegt hlutverk sem greyið stelpan telur að hún hafi fengið í þessu lífi.

Ennþá verra hvað foreldurum hennar þótti hún vera að gera frábæra hluti.

Hún var 18 ára þegar hún tók þá ákvörðun að eyða öllu sínu lífi í klaustri þar sem þögn ríkir alla daga nema 2 tíma á dag, hún fær að hitta fjölskylduna sína 7 sinnum á ári og þá með rimla á milli, og hún má aldrei yfirgefa klaustrið.

Ég veit það ekki ég er bara fegin að hafa ekki þurft að taka ákvarðanir fyrir lífstíð þegar ég var 18 ára því ég held ég hafi ekki haft þroska til þess og ég held að hún hafi ekki haft hann heldur. Enda var hún frekar sorgmædd greyið reyndi nú samt að minnast á hversu heppin hún væri að fá að verja lífinu þarna come on!!!

xxx

solson.is

2008-09-12T01:53:00.000-07:00

Mig langaði að benda ykkur á nýju síðuna hjá Stefáni bróðir sem er hér. Þar er hægt að skoða hvað hann hefur verið að gera og ég mæli með að þið skoðið Skrauta mér finnst hann alveg geggjaður (óska hér með eftir honum í gjöf seinna) hehe.
XXX

Alma fræga

2008-09-11T07:46:00.001-07:00

Jæja þá er ég orðin fræg haha
http://www.fjardarposturinn.is/images/FP-pdf/FP-2008-34-skjar.pdf
xxx

Krabbinn ég

2008-09-11T04:20:00.000-07:00

Fann þetta á stjörnuspeki.is

Það er svo marg sem á mjög vel við mig en annað alveg langt frá því. Ég er kannski ekki rétta manneskjan til að meta það enda segi ég bara að það slæma sé vitlaust en það góða allt rétt...

Dæmi hver fyrir sig....

Krabbinn
Krabbinn er varkár og íhaldssamur tilfinningamaður. Hann fæðist í byrjun sumars og því ríkt í eðli hans að hlúa að nýgræðingi, rækta, hjálpa og ala upp. Aðhlynning er því lykilorð fyrir Krabbann. Þessi eiginleiki getur birst á margvíslegan hátt eftir aðstæðum. Krabbinn í viðskiptalífinu tekur að sér yngri skjólstæðinga og hjálpar þeim áfram og leikstjórinn í Krabbanum velur ungt fólk í lykilhlutverk.

Seigla og útsjónarsemi
Krabbinn er varkár og frekar hlédrægur um eigin hagi, en eigi að síður fastur fyrir og ákveðinn þegar á þarf að halda. Hann býr yfir hæglátri seiglu og er séður og útsjónarsamur. Varkárni Krabbans birtist þegar hann er að skoða ný mál. Hann opnar dyrnar til hálfs og tekur eitt skref fram á við til að kynna sér aðstæður. Síðan tekur hann tvö skref afturábak, dregur sig í hlé og skoðar málið í rólegheitunum. Hann vill hafa vaðið fyrir neðan sig og þreifa sig áfram. Það getur því tekið langan tíma að kynnast honum og þótt hann sýni áhuga bítur hann ekki endilega strax á agnið. Þegar hann hefur hins vegar tekið endanlega ákvörðun um að ganga í ákveðið verk berst hann með kjafti og klóm og gefst ekki auðveldlega upp.

Ábyrgðarkennd
Krabbinn hefur sterka ábyrgðarkennd og er yfirleitt traustur og samviskusamur. Hann vill leysa þau verk sem hann tekur að sér. Fyrir vikið er honum oft treyst fyrir ábyrgðarstörfum. Hann er einnig frumkvæður sem birtist í því að Krabbar taka oft að sér forystu á þeim sviðum sem þeir velja sér.

Íhaldssemi
Íhaldssemi Krabbans birtist m.a. í því að hann er fastheldinn á þær skoðanir sem hann temur sér eða á þá hluti sem honum eru kærir. Hann vill oft búa í gömlu húsi með sál, andrúmslofti og grónum garði. Það nýja og sálarlausa lítur hann hornauga. Íhaldssemin birtist einnig í sterkri öryggisþörf og því að hann safnar að sér hlutum, á erfitt með að henda því gamla og hugsar til þess að eiga varasjóð. Honum finnst óþægilegt að skulda eða búa við óvissu í sambandi við heimili, vinnu og fjármál. Oftast nær er Krabbinn mikill heimilismaður og fjölskylda, börn og nánir vinir skipta hann meira máli en gengur og gerist. Yngri Krabbar fela oft þessa eiginleika, enda ekki svalt að vera íhaldssamur heimilismaður á unglingsárum. Þá er hin fræga Krabbaskel sett upp, og svalt yfirborð látið hylja innri viðkvæmni.

Tunglsveiflur
Krabbinn er oft misjafn í skapi og framkomu. Karlmenn í merkinu eiga stundum til að vera hranalegir og fráhrindandi í framkomu, ekki vegna slæms upplags, heldur til að fela feimni. Tilfinningaríkum og næmum manni finnst oft að hann þurfi að verja sig og geti ekki hleypt hverjum sem er nálægt sér. Hann býr því til töff skel til að verja sig. Til að skilja skapgerð Krabbans er ágætt að líta á flóð og fjöru og kvartilaskipti Tunglsins. Tunglið er dimmt og ósýnilegt þegar það er nýtt en bjart og áberandi þegar það er í fyllingu. Skapgerð Krabbans er svipuð, stundum vill hann draga sig í hlé og vera einn með sjálfum sér, stundum er hann opinskár, hlýr og gefandi, jafnvel allra manna hressastur. Það getur því verið erfitt að reikna hann út. Eina stundina vill hann vera heima hjá sér, en þá næstu er hann reiðubúinn að fara út á lífið og rabba við fólk um daginn og veginn.

Náttúrubarn
Krabbinn er náttúrumaður, nýtur sín nálægt hafi eða vatni og þarf að hafa tré og gróður í umhverfi sínu. Sund og göngutúrar niður í fjöru eða út í sveit eru meðal þeirra íþróttagreina sem Krabbinn ætti helst að leggja stund á. Vatn og útivera hreinsa og endurnæra orku hans.
Þegar talað er um 'Krabbann' og 'Krabba', er átt við þá sem fæddust þegar Sólin var í Krabbamerkinu. Þeir einstaklingar sem fæddust á þeim árstíma hafa 'hjartað' í þessu merki, eða grunneðlið og lífsorkuna.
Staða Tunglsins í merki segir til um tilfinningar, staða Merkúrs um hugsun, Venusar um ást og samskipti, Mars um framkvæmdir, Rísandi merkis um framkomu og staða Miðhimins um (þjóðfélags)markmið. Hver einstakur maður er í nokkrum stjörnumerkjum og þess vegna eru gerð stjörnukort, en ekki bara fjallað um stjörnumerkin.

XXX

SUMAR, HAUST OG SVO VETUR....

2008-09-10T04:43:00.000-07:00

RIGNING, RIGNING, RIGNING

Þá fer að koma að því að sumarið tekur enda, haustið kemur og svo veturinn. Alveg eins á hverju ári, það rignir og rignir og alltaf finnst mér það jafn leiðinlegt. Ég er algjör sumar manneskja, ég elska sumarið, birtuna, veðurfarið, fríið og allt sem að því kemur. Einhverra hluta vegna væri mér alveg sama þótt það kæmi ekki snór nema á jólunum. Reyndar hefur mér verið nokkuð sama þau jól sem hann hefur ekki komið. Snjórinn á bara að vera í fjöllunum fyrir þá sem vilja leika sér í honum. Sumarið í ár var alveg frábært. Við fórum í svo margar skemmtilegar útilegur og ferðalög að ég er strax farin að hlakka til að fara aftur næsta sumar. Draumurinn er að kaupa fellihýsi í vetur og eyða öllum frídögum sem við fáum í að ferðast um landið okkar.
Ég er búin að fara niður í geymslu og ná í dúnúlpuna mína, það er eitthvað svo hrikalega kalt að fara út á morgnanna, og maður finnur alveg hvað maður verður eitthvað þreyttari þegar það er farið að dimma svona.
Ætla nú samt ekkert að vera neitt neikvæð enda ekki líkt mér að láta veðrið hafa einhver ofur áhrif á mig. Setti bara inn nokkrar myndir frá sumrinu sem ég vildi óska að væri allt árið.......

Fagra Mývatn

Gummi minn

Við og regnbogi við Dettifoss

Jökulsárlón...

Og við Gullfoss

Ein sem strax farin að sakna sumarsins...

XXX

EXTREME MAKEOVER

2008-09-08T16:08:00.000-07:00

Okkur leiddis aðeins í kvöld og ákváðum að það væri komin tími til að breyta aðeins til. Fórum þess vegna i aðeins makeover og var þetta útkoman........

XXX

Hornið & Partýkeila....

2008-09-06T04:39:00.000-07:00

Átti alveg frábært kvöld í gær. Fórum fyrst út að borða á Horninu sem var alveg æði eins og alltaf og svo í Keiluhöllina á eftir og hittum nokkra Mývetninga í partýkeilu. Það var að sjálfsögðu hrikalega mikið stuð enda ekki annað hægt þegar þessi hópur kemur saman. ÉG er nú ekki alveg viss um stig kvöldsins en eitt er víst að ég vann ekki......

Gummi og Garðar

Keilusnillingar!

Skvísurnar Hilda og Beta

Ógeðslega mikið stuð á okkur;)

Ásgeir bortna löpp kom og fylgdist með töktunum

Garðar með sveifluna á hreinu..

Er með engin plön í dag kanski fara í berjamó og bíða bara eftir ofvirka kallinum mínum sem er alltaf að vinna, svooo duglegur. Ég er samt svo sjálfselsk að ég vill bara hafa hann heima hjá mér ...

XXX

Helgin nálgast.....

2008-09-04T13:01:00.000-07:00

Ég sé fyrir mér erfiðan dag á morgun af völdum strengja í lærum og rassi:)

Hjólaði heim úr vinnunni í dag, fór meðfram strandlengjunni í Hafnarfirði og gegnum Arnarnesið og Garðabæ, hjólaði svo frá íþróttahúsinu í Kopavogi og framhjá Smáralind. Þaðan heim upp í Kórahverfi sem var laaaang erfiðasti hlutinn, allt upp í móti. Ég þakka nú samt fyrir að ég hef verið dugleg að hlaupa og synda svo þetta hafðist. Erum að undirbúa hjóladag 20. sept frá Hafnarfirði og niður í bæ. Ég skora á alla að taka þátt því leiðin er rosalega falleg og mestur hluti leiðarinnar er á göngustígum laus við umferð. Það eru ekki margar brekkur á leiðinni og því getur öll fjöskyldan tekið þátt í þessu. Það verða gerð stutt stopp bæði í Garðabæ og Kópvaogi þar sem boðið verður upp á léttar veitingar.

Marta vinkona mín er flutt til Köben í mastersnám í landslagsarkitekt reyndar ásamt fleiri vinkonum mínum úr skólanum. Allavegna ég var að spjalla við hana í dag á msn og hún var að segja mér aðeins frá skólanum og f.l. Hún er svo mikil hetja að fara út með strákana sína og skella sér í þetta ég eigininlega hálf öfunda hana og finnst hálfpartinn að við ættum að vera í þessu saman því við hjálpuðumst svo mikið að í Bs náminu. Ekki það að ég vildi skipta því ég hef aldrei verið hamingjusamari heldur en ég er akkurat núna. Bara gangi þér vel Marta mín og ég kem og heimsæki þig í vetur:)´

Mér skilst að á morgun sé Mývetninga-hittingur og ætlum við að skella okkur í keilu. Hlakka ekkert smá til því ég veit að það verður ótrúlega gaman. Hef reyndar heyrt að nokkrir hafi afboðað sig enda aldrei hægt að ná öllum saman.

Helst í fréttum er kannski að ég ætla að fara æfa fótbolta ;) byrja næsta mánudag. Er það ekki stelpur? Stefnum að sjálfsögðu á að vinna leikinn næsta sumar enda eru strákarnir ekkert að gera. Við getum verið vissar um það að Ásger á ekki eftir að brillera þannig að þeir þurfa kanski að fara að fjölga........

Er farin að hlakka til helgarinnar. Vikurnar líða rosalega hratt þessa dagana þar sem það er brjálað að gera í vinnunni sem mér líkar orðið mjög vel við.

Reyndar verð ég örugglega frekar einmanna um helgina þannig að ef ykkur leiðist...............

XXX

Upp í sveit

2008-09-02T14:08:00.000-07:00

Um síðustu helgi fórum við "upp í sveit" til ömmu og afa og áttum þar frábæra helgi með fjölskyldunni minni. Þar var margt um manninn þar sem Þóra frænka var þrítug og bauð í tilefni af því til heljarinnar veislu á Laugardagskvöldið. Ágeir brotna löpp kom með og kvartaði yfir lélegu aðgengi fyrir fatlaða í sveitinni en skrölti samt á milli húsa á hækjunum í mölinni.
Á leiðinni í sveitina komum við við hjá Rósu vinkonu í Borgarnesi að skoða nýja fína húsið hennar og Ingólfs sem er ekkert smá flott. Spurning um að flytja í Borgarnes eða eitthvað annað út á land og fá hellings pláss fyrir mun minni pening, hvað segið þið um það?
Meðan við biðum eftir veislunni fórum við í göngutúr um hlaðið og kiktum meðal annars í gróðurhúsið sem er einn af uppáhalds stöðunum mínum enda ekki annað hægt þar sem allt er fullt af vínberjum, tómötum og fleira góðgæti sem við gæddum okkur á. Skelltum síðan nokkrum egó myndum af okkur í leiðinni sem fylgja hér með. Var reyndar búin að setja inn fullt af fleiri myndum í gær sem duttu svo allar út aftur, nenni ekki að setja nema nokkrar þar sem það tekur svo langan tíma. Spurning um að vera bara með myndasíðu og sleppa þessari........

Egó mynd af sæta parinu :)
Sæti minn í ótrúlega töff umhverfi...
Og ég með vínberjunum

Annars var ég í gær að kíkja í æðislega bók sem ég fékk í afmælisgjöf í sumar og heitir Ástar spor. Ég opna hana oft áður en ég fer að sofa því í henni eru alskonar málshættir og frasar sem tengjast ástinni á einn eða annan hátt, margir ótrúlega fallegir en því miður margir frekar furðulegir.

Hvað með t.d ..........

Ef ástin fer illa er það eins og

að horfa upp á Mjallhvít umbreytast í vondu stjúpuna

eða....

Ást kvenna er mun

fágætari en karla,

því konan

elskar mikið og

sjaldan en karlinn

elskar lítið og oft.

............er þetta ekki smá ósanngjarnt?

Svo er hérna einn sem er sjálfsagt nokkuð mikið til í .......

Ástin er allt það sem hún er lofuð fyrir.

Þess vegna er fólk svo vantrúað á hana.

og einn frekar fyndin.....

Óendurgoldnust er sjálfsástin.

Ég verð reyndar að segja að ég held að þessi fyrsti málsháttur um Mjallhvíti er eitthvað sem á sér mjög gjarnan stað í raunveruleikanum....

Hvað finnst ykkur annars?

Góða nótt XXX

Herra og frú Sesar

2008-08-28T08:54:00.001-07:00

Síðasliðin laugardag var haldin mikil veisla í Kópavoginum þar sem Elísa frænka, vinkona og uppeldissystir gékk í það heilaga með honum Guðna sínum. Athöfnin fór fram í Digraneskirkju og var hin glæsilegasta. Eitthvað hafa brúðhjónin (aðallega brúðurin) horft á Amerískar bíómyndir því heill hópur fylgdi þeim upp að altarinu.
Það voru 4. brúðarmeyjar (þar á meðal ég), 4 brúðarsveinar, tvær blómarósir (dætur Guðna), og hringaberi sem var Ásgeir Örn sonur Elísu.
Athöfnin var hin fallegasta og var svo efnt til heljarinnar veislu á eftir sem stóð lang fram á nótt.

TIL HAMINGJU ELSKURNAR MÍNAR OG TAKK FYRIR MIG!

Brúðurin stórglæsileg

Herra og frú Sesar :)

....stigin brúðarvalsinn

....sem reyndist síðan ekki vera vals

Skál fyrir ykkur elskurnar mínar

Annars var ég að kom úr endajaxlatöku í dag og var því í fríi í vinnunni eftir hádegi. Fékk endjaxlinn með mér heim í boxi og ætla að sjálfsögðu að setja hann undir koddann í nótt til þess að fá pening frá tannálfinum.

En hvað er það að vera ennþá að taka tennur á þrítugsaldrinum sem við höfum hvorki not fyrir né pláss?

Byrjuð að blogga

2008-08-27T02:00:00.000-07:00

Jæja þá ætla ég að prufa þetta. Á þessari síðu mun ég láta vita aðeins af mér hvað ég er að gera og hvað ég er að hugsa þá stundina. Ég ætla EKKI að skrifa um hvað ég geri frá því ég vakna, hvenær ég vakna og hvað ég geri þangað til ég fer að sofa. Ég ætla heldur ekki að tala illa um fólk eða allt það sem það er að gera sem fer í pirrurnar á mér, ekki heldur um pólitík, íþróttir, viðskiptalífið eða annað sem ég hef ekki hundsvit á ;)
Ég mun væntanlega tala frekar mikið um Gumma minn, hvað hann er að gera og f.l. þar sem ég veit að hann yrði svo glaður með það.... ha ha
............en svona fyrir utan það þá bara það sem liggur mér á hjarta þá stundina

Ég ætla aðeins að sjá til hvort ég læsi síðunni minni eða ekki...